![]() | ||||
---|---|---|---|---|
![]() | ||||
Desendolcador |
Kojima Productions (es) ![]() ![]() ![]() | |||
Distribuidora | Konami | |||
Temática | clonación | |||
Plataforma |
Game Boy Color, Microsoft Windows, Nintendo 3DS, Nintendo Entertainment System, Nintendo GameCube, PlayStation, PlayStation 2, PlayStation 3, PlayStation 4, PlayStation Portable, PlayStation Vita, Xbox, Xbox 360, Xbox One y MSX (es) ![]() | |||
Xéneru |
videojuego de sigilo (es) ![]() ![]() | |||
Mou | un xugador | |||
Más información | ||||
Páxina web oficial | konami.com… | |||
| ||||
![]() |
Metal Gear (メタルギア Metaru Gia?) ye una serie de videoxuegos creada por Hideo Kojima, desenvuelta y publicada pola compañía Konami, na que'l xugador toma'l control d'un soldáu d'élite, espertu en táctiques de combate, sobrevivencia y sigilo, que'l so nome d'operaciones ye Snake (n'asturianu: «Culiebra»). Dependiendo de qué xuegu de la saga se trate, esti nome d'operativu ta atribuyíu a diversos personaxes rellacionaos ente sigo pola trama de la serie.
Los Metal Gear son vehículos de combate con avanzada teunoloxía robótica y aspeutu de tanque bípedu cola capacidá de llanzar armes nucleares dende cualquier tipu de terrén. Amás, cuenta con armes menos poderoses pero más útiles nel campu de batalla como ametralladores, cañones de riel, rayo láser, bombes y cohetes.
La serie destaca por ser pionera nel xéneru de los xuegos de sigilo,[1] na que'l personaxe primeramente cunta solo con implementos básicos d'infiltración y debe al traviés del xuegu, faese de los elementos necesarios pa llevar a cabu la so misión.[1] Caracterízase amás poles sos llargues escenes cinemátiques,[2] les sos entrevesgaes trames y l'infinidá de detalles a lo llargo de tol xuegu nel que se realza la interaición col xugador.[3][4] Afonda na esploración de la política natural, los conflictos bélicos,[5] la censura, les guerres biolóxiques, la inxeniería xenética,[6] la intelixencia artificial y la llealtá.[7]
La franquicia del xuegu vendió más de 40 millones de copies en tol mundu,[8][9] siendo aclamada pola crítica y llogrando numberosos premios.[10][11][12][13] La franquicia tamién foi afecha a otros medios como cómics y a CD drama.